（台）行行出狀元

2005.08.23
我前幾工di咧電視上看著草地狀元兮節目，彼工兮是講一個做雞卵糕兮師傅(真少年)，伊是di咧萬里賣雞卵糕，內底講伊以前做學徒兮時陣，本來對家己兮職業無尊重，認為是無讀冊兮儂zia會來做即途，一直到伊拄著一個張師傅講，咱一定愛穿衫穿gah真整齊清氣，愛尊重家己兮職業，所以伊後來就非常注意愛穿gah真整齊，這ma是對著咱家己職業兮尊重。

咱台灣以前有真濟儂受著所謂「萬般皆下品，唯有讀書高」兮影響，所以對著讀冊以外兮職業攏真看袂起。m-gu其實毋是gan-na讀冊zia是好兮，其他頭路ma是值得咱尊重兮。即個師傅對伊兮職業真尊重，ma真拍拼創新，所以伊兮店會當有一億兮收入(應該是一年)。這著是日本ham德國兮工匠傳統，其實我發現台灣可能是受過日本儂兮統治，有一寡老一輩兮師傅對in家己兮職業ma是真尊重，真拍拼咧工課（kangkue）上，所以ma有真濟兮成績出來，即ma即個少年兮師父ma是繼承即種尊重家己精神。

電視上即個師傅，m-na家己拍拼創新，因為伊以前做學徒兮時，有真濟師傅攏會偷藏一步，伊家己出了後，毋na無藏一步，而且閣家己出錢互伊兮店員出去日本等國家進修，伊講按呢zia會當互咱台灣兮技術閣較進步，即種精神ma是互我感覺真難得兮，即個師傅雖然zia國中畢業，毋過我認為伊di咧專業上兮堅持創新gah尊重家己兮職業，iah閣有真濟想法，會當講是真正兮狀元。會記得以前看過一本冊，講讀冊毋na是讀冊，ma有勞動兮冊，勞動ma是一種「讀」，我想即個師傅著是即種意義上兮狀元。