（台）台南府城教會公報漢羅版翻譯--日人攻打臺北消息
2004.03.13
《臺南府城教會報》120卷（1895年--光緒21年閏5月號）（節譯）
臺北e消息
阮近來接到臺北本地e牧師嚴先生（清華）e批，deh 講起日本打臺北e消息dann（今）將伊e批印di下底，乎恁大家知彼個實事，亦著gah先生說謝，因為伊數念（siau-liam）咱臺南教會，著磨寫批來通知咱。
（1）5月25日（即五月初二）臺灣設立民主國，彼日臺北e頭人gap紳士有創一個銀e印，送乎撫台，彼個印e字是講，臺灣民主國，撫台做民主，龍旗（ling-gi ）換虎旗（ho-gi）。眾人送彼個印真鬧熱。彼下晡民主著gap文武官講：若是恁無膽，˜敢gap 日本相tai通倒去。Hiah e官有一半講要倒去。彼日抵抵換虎旗，日本有三隻e戰船到滬尾口，日本著用細隻e火煙船入來港內倚di大英（ dai-ing） e戰船。大英 e人ga伊講，恁著緊出去，若無，危險。彼日險險乎兵勇開槍打。
（2）5月30日（即五月初七）李鴻章e囝做欽差來臺灣，bheh交臺灣乎日本。Sue-si有落船去k伊講，kah好你m通上山，你若上山真危險。後來無起船就goh倒去。日本提督講伊定著bheh打民主到無去。
（3）5月31日（即五月初八），日本對深澳上山，伊兵分做三路行：（1）對頂雙溪去，diam di 拜堂過瞑。（2）對小粗坑到九芎橋（giu-giong-gior）來瑞芳紮營。（3）對八斗子來基隆，對31日到6月2日（即初十日），日本就打到基隆，官兵long總走，官兵有時真多，後來long無打，直直走。
（4）6月4日（即五月十二日）瞑時，撫台穿兵勇e衫逃走到滬尾，落駕時e火船。彼瞑撫台e衙門long放火燒，到5號（即十三日）早起，滬尾e官兵long知撫台gap海關di船裡，官兵就阻擋無准駕時開，若是開，砲台bheh開大槍打駕時乎伊破，彼日彼瞑兵勇long是開槍打駕時；後來撫台暗靜托中外國人去ga官兵買砲台大槍。外國人就去ga砲台e官兵講，我乎恁4000元，恁e大槍賣我，官兵講好，隨時乎in銀；外國人將彼個槍心gap幾若項e器具long teh起來，乎彼個大槍bhue會（e）放。駕時就穩當會出口。到6日（即十四日）駕時bheh開，忽然間觀音城？（guan-im-siann）e砲台開砲打到駕時e船；有死六人，中傷十外人，彼時e德國戰船有開砲打觀音城？（Guan-im-siann）e砲台；後來駕時做伊去。彼日唐人海關gap守備衙門long乎百姓拆去，官府所有long乎人搶；砲台家己放火燒，臺北府所有e衙門kah-ze放火燒。
（5）論這撫台，實在是真m好e人；伊所作亦作伊走，放sak幾若萬e兵勇di臺灣，無通食，無船通倒去。閣再（goh-zai）in是出外人，di臺灣無親無戚。雖罔（sui-bhong）中國e兵勇kah-zee是歹人，猶久人有心通可憐in。臺北e教會有人出頭ga頭人gap眾百姓講：kah好咱就可憐出外人，逐人出淡薄米，叫人煮乎in食，救in性命，逐個歡喜。閣再外國人亦有議論，若是兵勇無銀通搭船，叫in將in 槍來換船票，就會載in倒去；兵勇講好。
（6）6月7日（即五月十五日），日本e官兵long到臺北府，ga百姓講：恁m通驚，士農工商就作，百姓看in無陷害人，百姓歡喜接納in。現勢（Hian-si）臺北long無中國e官di-teh ，日本有設立總督di臺北，伊e姓樺山，伊e名資紀。
（7）到極（gau-gik）感謝咱e上帝，di臺北，偕牧師有設立60位e教會，long有平安無代誌，逐個堅固靠救主耶穌。........
《臺南府城教會報》120卷（1895年--光緒21年閏5月號）（節譯）
臺北e消息
阮近來接到臺北本地e牧師嚴先生（清華）e批，deh 講起日本打臺北e消息dann（今）將伊e批印di下底，乎恁大家知彼個實事，亦著gah先生說謝，因為伊數念（siau-liam）咱臺南教會，著磨寫批來通知咱。
（1）5月25日（即五月初二）臺灣設立民主國，彼日臺北e頭人gap紳士有創一個銀e印，送乎撫台，彼個印e字是講，臺灣民主國，撫台做民主，龍旗（ling-gi ）換虎旗（ho-gi）。眾人送彼個印真鬧熱。彼下晡民主著gap文武官講：若是恁無膽，˜敢gap 日本相tai通倒去。Hiah e官有一半講要倒去。彼日抵抵換虎旗，日本有三隻e戰船到滬尾口，日本著用細隻e火煙船入來港內倚di大英（ dai-ing） e戰船。大英 e人ga伊講，恁著緊出去，若無，危險。彼日險險乎兵勇開槍打。
（2）5月30日（即五月初七）李鴻章e囝做欽差來臺灣，bheh交臺灣乎日本。Sue-si有落船去k伊講，kah好你m通上山，你若上山真危險。後來無起船就goh倒去。日本提督講伊定著bheh打民主到無去。
（3）5月31日（即五月初八），日本對深澳上山，伊兵分做三路行：（1）對頂雙溪去，diam di 拜堂過瞑。（2）對小粗坑到九芎橋（giu-giong-gior）來瑞芳紮營。（3）對八斗子來基隆，對31日到6月2日（即初十日），日本就打到基隆，官兵long總走，官兵有時真多，後來long無打，直直走。
（4）6月4日（即五月十二日）瞑時，撫台穿兵勇e衫逃走到滬尾，落駕時e火船。彼瞑撫台e衙門long放火燒，到5號（即十三日）早起，滬尾e官兵long知撫台gap海關di船裡，官兵就阻擋無准駕時開，若是開，砲台bheh開大槍打駕時乎伊破，彼日彼瞑兵勇long是開槍打駕時；後來撫台暗靜托中外國人去ga官兵買砲台大槍。外國人就去ga砲台e官兵講，我乎恁4000元，恁e大槍賣我，官兵講好，隨時乎in銀；外國人將彼個槍心gap幾若項e器具long teh起來，乎彼個大槍bhue會（e）放。駕時就穩當會出口。到6日（即十四日）駕時bheh開，忽然間觀音城？（guan-im-siann）e砲台開砲打到駕時e船；有死六人，中傷十外人，彼時e德國戰船有開砲打觀音城？（Guan-im-siann）e砲台；後來駕時做伊去。彼日唐人海關gap守備衙門long乎百姓拆去，官府所有long乎人搶；砲台家己放火燒，臺北府所有e衙門kah-ze放火燒。
（5）論這撫台，實在是真m好e人；伊所作亦作伊走，放sak幾若萬e兵勇di臺灣，無通食，無船通倒去。閣再（goh-zai）in是出外人，di臺灣無親無戚。雖罔（sui-bhong）中國e兵勇kah-zee是歹人，猶久人有心通可憐in。臺北e教會有人出頭ga頭人gap眾百姓講：kah好咱就可憐出外人，逐人出淡薄米，叫人煮乎in食，救in性命，逐個歡喜。閣再外國人亦有議論，若是兵勇無銀通搭船，叫in將in 槍來換船票，就會載in倒去；兵勇講好。
（6）6月7日（即五月十五日），日本e官兵long到臺北府，ga百姓講：恁m通驚，士農工商就作，百姓看in無陷害人，百姓歡喜接納in。現勢（Hian-si）臺北long無中國e官di-teh ，日本有設立總督di臺北，伊e姓樺山，伊e名資紀。
（7）到極（gau-gik）感謝咱e上帝，di臺北，偕牧師有設立60位e教會，long有平安無代誌，逐個堅固靠救主耶穌。........
沒有留言:
張貼留言