2006年12月21日 星期四

(台)已經變gah爛糊糊兮台灣國土

2005.08.12

已經變gah爛糊糊(nua-go-go)兮台灣國土

這幾年,咱定定會當ui新聞報導當中看著,真濟台灣抑是(iah-si)世界各國兮災難報導,看起來天災,m-gu哪毋是咱儂人為(rin-ui)兮破壞,天災敢會zia-ni嚴重?比如講土石流,除了921地動兮關係,人為長期兮破壞,往山內去開發,起公路。




di咧清朝進前,原住民(所謂兮平埔族以外)住di咧台灣高山頂面,gah大自然維持真好兮關係,真濟兮禁忌攏是為著卜(bheh) gap大自然永久做伙生存落去。m-gu到漢人來了後,上代先是梅花鹿(mui-hue-lok)先因為漢人佮(gap)荷蘭儂鼓勵之下,因為烏白亂tai兮關係,差不多ui台灣滅種囉。雖然荷蘭儂後來有發現即個問題,不准儂閣tai鹿仔,但是無外久,荷蘭儂去ho鄭成功趕走,所以in兮法律著無儂閣遵守囉。

漢人di咧清朝主要將平地攏開發了啊,suah繼續去開發淺山一帶,為著樟腦(ziunn-no),種茶(zing-de),所以ma 佮原住民起袂少兮衝突,ma開始破壞台灣兮山區。

到日本儂統治兮時陣,著是用國家兮力量來開發台灣,用武力(bhu-lik)控制原住民,然後是,開發hia兮資源,木材是上界有名兮,m-gu日本儂兮開發是有限制,ma不准一般漢人去。

到國民黨兮時,ma仝款是開發山區,而且真無撙節(zun-zat),ma無才調通取締hia山貓鼠(偷偷仔剉木材兮儂)。後來為著bheh解決hia兮退伍外省兵,suah叫in去開往山兮公路,ma互indi咧hia開墾,這最後造成台灣兮山地兮水土保持,攏受著真住兮破壞。

這ma是殖民主義gap開發主義結合兮結果。因為是殖民,所以愛將殖民地兮所有資源攏開發了了zia會使得。日本儂gap中國儂兮國民黨政府攏是按呢想,日本gap戰後兮國民黨技術(gi-sut)官吏攏想講儂一定會當贏過天,所以,一直發展工業,一直deh開發台灣兮資源。ma日本儂di咧以前雖然講咱ma是日本儂,m-gu,in嘛講台灣儂ma愛認同鄉土,而且彼時陣,台灣儂對土地兮牽連gap感情嘛真深,所以台灣儂一般攏對土地有一份真深兮感情。到國民黨統治後,tai死真濟台灣精英,cun兮ma毋敢講啥物,一般儂對公共事務ma攏真冷淡,因為驚惹代誌。隨著工業化,有真濟儂脫離農村,ma漸漸脫離土地。而且咱台灣儂代先是無法度對政府兮政策(zing-cik)講啥物,而且為著bheh生活,對即種破壞自然兮環境(kuan-ging)嘛無啥物意見。

所以,di咧即種狀況之下,咱兮土地一直互人為破壞,咱suah攏毋知影。結果,當伊以即種方式來回應咱儂兮時陣,已經袂赴啊。

一直到現在,新聞這寡政治人物攏是講啥物「政治口水」(政治喙瀾(cui-nua)),其實上應該拍尻川(kacng)兮著是zia兮新聞媒體,若是di咧較正常兮國家,新聞愛介紹兮是整個台灣國土互儂兮狀況,用簡單兮說明gap圖表來解說,毋是di咧hia冤啥物啥人愛按怎按怎。好參像我以前di咧台灣921地動兮時陣,竟然是ui NHK頂guan zia知影真濟有路用兮知識,日本儂di咧代誌發生了後,毋是deh遐吵啥物責任(zik-rim),是想講bheh按怎解決問題。德國兮社會學家bat講過,現代是一個風險社會。對現代儂來講,咱無可能去完全預防(u-hong)所有兮災難,m-gu在災難發生了後愛會當去處理,這zia是上界重要兮。

咱台灣所需要反省兮,毋但是(m-na-si)政府,iah閣有每一個公民,咱應該愛主動去了解過去對即塊土地所做兮歹代誌,ma攏需要負起每一個儂兮責任,好參像聖經所講兮,每一個儂攏需揹(painn)起你家己兮十字架(sip-ri-ge)。知影問題,zia會當去解決問題,咱若是bheh di咧即塊土地生活落去,著應該閣較關心咱兮土地,其實di咧即個世界,毋管是去到佗位,攏仝款,若是想bheh di hia 活落去,就應該按呢做。

佛教講共業(giong-ghiap),聖經講有末日(bhuat-rit),阮一貫道講三期末劫(bhut-gaip),即ma天攏無照時行,是因為儂無照天理做,想bheh征服自然。這攏是造成現在咱世界災難兮原因,

其實每一個儂攏會當做環保,毋但是資源回收,iah閣有ge一項就是食素食,ma是環保。我以前di咧我兮新聞台有寫過文章,其實儂是較適合食菜,而且di咧即個服務業為主社會,其實已經無需要大量兮肉類兮「蛋白質」,肉類兮生產過程ma是真殘忍,而且ma真浪費資源,bheh生產一噸兮肉愛十噸兮穀類,ma有真濟動物兮屎尿,會污染環境(比如講水)。為著健康ma需要食素食,因為肉內底兮農藥比植物ge真濟,因為食物鏈(len?)兮關係。ma有真濟化學物,比如講生長激素gap抗生素。現在真濟肉攏有病毒gah細菌,真危險,親像牛肉兮siau牛病有兮愛十年後zia會發作(huat-zok)。

咱其實每一個儂攏有責任,ma會當真簡單做環保,著是減少對肉類兮依賴(i-lai),若是會當,會當gap我仝款,攏食素食,這gap宗教無一定有關係,是為著家己gah大自然。若是無法度,ma會使盡量食素食,比如一工一頓抑是兩頓食素食,cun兮ma盡量食較清淡較少肉。這是咱逐家會當做兮環保(kuan-bor),



沒有留言: