2006年12月21日 星期四

(台)象囡仔佮機器查某囡仔(大象男孩與機器女孩)當中兮偏見

2006.04.20

前幾日仔,我e朋友ka電話共(ga)我講一個報導,著是商業週刊e即期報導,嘛(ma)有翕(hip)做記錄片,這是in所謂e一個台灣二個世界第二年e報導。 第一年是上界可惡e阿宏e故事,講啥物「隔代教養」(阿公阿媽cua孫e問題),講阿宏因為互阿媽cua,所以袂曉講華語,所以ma無教養……,若是講台語是教學語言,阿宏反勢是成績上好e ma無一定咧。而且毋管是會曉講華語iah是袂,gah教養若有啥物關係。台灣著是有ziah呢這惡毒e媒體,借著看起來是非常有愛心e報導,內底kng e是in對台語e惡意gah攻擊。今年e報導閣較可惡,華語名號做:大象男孩與機器女孩(台語我翻做:象囡仔gah機器查某囡仔),分做象囡仔 ham 機器查某囡仔 二篇報導(cih落去著會當看著即二篇完整e報導)。


主要是講所謂身驅有殘障e囡仔。In所選定e二個儂,閣對gah真整齊,一個是台中市e查甫囡仔祥祥,互阿媽cua,阿媽是dua di咧雲林e庄腳儂,祥祥,八歲 ——缺嘴(kih-cui,)、氣管窄(eh)、有聽力e障礙。毋bhat食過一粒米gah講過一句話,ai用鼻胃管食物件,所以記者叫伊象囡仔。另外一個是機器女孩,珊珊,八歲 ——重度身體障礙、腦性麻痺。互儂發現進,她gan-na會當看著厝頂,gah八十外歲e阿嬤,di北部e海邊漁村e百年老厝內底,相依為命。

按呢看起來是無啥物問題,毋閣di咧文章內底,竟然充滿真濟偏見!比如講di記者e描述(bhiau-sut)內底,北部gah中南部是對立e,北部gah中部e阿媽雖然攏是講台語e,毋閣北部e儂di咧故事當中是hiah-ni-a有人情味,賣pan(麵包) e儂ma會來鬥相工,老師gah賣魚e儂攏真愛即個雖然袂當行路,毋閣真得儂疼e查某囡仔。當中e對話ma是袂用真奇怪e台語來表現。

另一方面,Di咧講著中部e象囡仔e時陣,故意用真濟台語來表現,而且ma有真濟奇怪e言論,比如講講著阿媽e時陣:「患有關節炎、白內障、重聽的阿嬤,就這樣離開住了大半輩子的村子,來到台中市區。但是阿嬤不識國字、聽不懂國語、甚至認不得阿拉伯數字,哪兒都去不了。從那天起,她困在斗室內,跟著祥祥團團轉」上好是阿媽毋識(bhat)字就袂當出去外口啦,上好是台中市區攏無儂會曉講台語啦!竟然按呢講,侮辱儂ma ai較有限度咧!而且gah gan-na會曉講台語當做是無知識,無生活能力e儂。

「經常,旁人怪祥祥爸爸,怎麼不帶孩子去看醫生?怪祥祥阿嬤,怎麼不把孫顧好,讓他到處抓別人?但七年前因欠費離開醫院,對祥祥父親而言,是一大陰影。不識字、又不會說國語的他,不知道怎麼跟醫生溝通,連問問題都不會。他看到身穿白袍子的人,身體就不自主發抖。」這閣較好笑,敢真正hiah-ni衰,攏拄著外省儂醫生。若是正實leh,是醫療教育體系e問題,是醫療台語e問題,會記得好參像有一寡醫學院(以前台大有,好參像高醫大ma有)有開醫學台語e課,而且zit-ma病院攏ma有志工會當幫忙。

續落去閣有互儂看gah真倒彈e代誌。「一走出餐廳門我就看到阿嬤,她伸出手問我:「小姐啊,妳有沒有帶衛生紙?」「有啊。」我從包包裡掏面紙遞給阿嬤。阿嬤沒解釋,接過衛生紙,就往餐廳門後鑽,我好奇跟著往裡看,赫然看見,一坨糞便!」一旁,祥祥拉著褲子,尷尬的笑著。我忍不住「嘔~~」,發出很大的反胃聲。阿嬤吃力的彎下腰,用衛生紙將那坨糞便包起來。此時,餐廳前的電梯門突然開啟,阿嬤捏著糞便往電梯裡鑽,同電梯有人趕緊用手蒙鼻。我們問阿嬤:「祥祥怎麼會在門後面便大便呢?」阿嬤無奈的說:「我看嘸,不知便所在哪裡啊,祥祥又急著放屎……」醫院對阿嬤來說,就像金字塔頂端,遙不可及,她常常在這個迷宮裡轉來轉去。

這當中反應e是病院e路標做gah真差,而且你若是去過病院著知影,若是有年歲較濟e儂去病院,志工著會sui出來問看覓有啥物會當鬥相工e,若是無這真是有夠ge-lo e病院。哪會攏總是怪di咧阿公阿媽e頭殼頂,真正是頭殼歹去zia會按呢寫。

我e朋友有寫批ho即個記者,伊竟然笑笑回講這無啥物,竟然有讀者會按呢想哦,我認為彼個阿媽真古錐ne。是按怎,阿媽是動物是無,閣真古錐咧。而且in是揣真濟個案zia揣著即兩個,可見是刁工(tiau-gang)揣e,而且ui寫作e對照,會當看著,in對中部e即對有真濟(無好)負面e描寫。一北,一中,對gah真整齊,這將北部較好,華語較好(雖然講北部e阿媽應該ma是講台語,毋閣作者故意用華語文法來寫,意圖真明顯),袂曉講台語你著會變gah真悽慘落泊,ui舊年e阿宏e故事,到今年e象囡仔gah機器查某囡仔,攏是即種操作方式。

毋閣逐家閣ho in sng gah假若真e,假e ma會變做真e,in e用心實在是非常狠毒(long-dok),認為華語中產階級zia是儂,zia應該存在di咧台灣,zia配做中華民國下腳e台灣儂。我想這著是in e目的。

沒有留言: