（台）台語e卡通VCD--花田少年史

2006.05.24

我會記得以前佇咧華視拜六下晡一點有看著叫做花田少年史e台語卡通，雖然是台語e，sua是互儂囥（kng）塊即個較罕得有囡仔塊看卡通e時段。

毋閣，今仔日ga一個朋友講起這齣卡通，結果伊講逐家攏是買台語版e卡通。聽gah真不可思議，我去in e 網站（請cih落去）看，結果看著真正是第一名咧！可見台語卡通是有市場兮。

即齣卡通，主要是講一個看會著鬼(魔神仔)e少年儂，雖然真無ai幫zia e儂，毋閣因為in攏是有真可憐e原因，所以zia來揣花田，最後伊ma gah in
鬥相工，這是真有教育意義e卡通，ma是互囡仔看台語卡通，學習母語e節目，逐家會當去揣來看。

我gah in無啥物關連，zia ma袂當有商業行為，只是拄好看著即齣卡通，所以來做報馬仔。愛注意，有台語版gah華語版e，mai創毋著囉！

（台）鶴佬儂想卜做外省儂

2006.04.17

我昨日去參加阮一貫道di咧桃園e細間佛堂e班，早時是囡仔e讀經班，拄仔好我去e時陣是in下課。我看著大儂互相講話e時是用台語，毋閣對囡仔講話e時，著攏是用華語，逐家攏袂感覺真奇怪。閣較濟e狀況是阿媽為著卜（bheh） gah孫仔講話，sua顛倒ai去學華語。真是悲哀，可憐。

我gah朋友講著zit項代誌，阮是認為這是因為台灣e hoklor儂想卜做外省儂。所以in對市面上gan-na有華語e卡通ham童話冊攏袂感覺有啥物奇怪，認為真自然。另外一方面，對只會曉講台語e囡仔，用真濟汙辱e話來罵，比如講阿宏e故事。是一個阿媽ciann養大漢e囡仔，竟然認為伊袂曉講華語是罪大惡極(zue-dai-ok-gik)。我認為若是台灣e通用話之一是hoklor話，伊e母語顛倒是伊e資源。Deh以前，阿宏以後會當用伊e母語來gah真濟儂交際講生理，佇咧文化知識經濟e時代，deh學校伊得袂著成就感，若無著是ai放棄伊e母語，因為deh學校這是無路用e物件，著只有一節課會上著nia-nia。

台灣e hoklor儂，因為六十年e殖民，已經對zit種國語是上位語言e狀況真慣習，並且真認同。比起原住民ham客人，in zitma有電視台gah委員會deh復興in e語言，咱hoklor儂sua想bheh緊gah hoklor語消滅，所以無幾個儂e有心用心教囡仔hoklor話，希望in會當緊gah hoklor話放袂記，通好緊倚向主流e華語。Hoklor比起一寡原住民gah客人，更加想卜緊gah家己e母語放掉。

這著是被殖民者e悲哀，一旦殖民體制建立起來，顛倒是被殖民者會比殖民地者閣較熱情擁護殖民體制，真是悲哀。

（台）台語延續兮危機佮契機

2005.08.10

我昨暗(zang-am)gah我以前佇（di）高中教冊兮時兮學生開講，伊問我為啥麼(ui-sia-mih)堅持愛(ai)講台語，閣卜(bheh)寫台語文，按呢看起來真奇怪。我講一句話：著( diorh)是想卜gah我做儂(lang)兮尊嚴找轉來，這是上界(siong-gai)重要兮原因。至少佇咧語言即(zit)部份，我心內一直有互(ho)儂殖民兮悲哀，咱兮父母話(以前攏翻譯做母語，m-gu我認為iah是用父母話較好)除了1949年以後來台灣兮新移民(一般講做是外省人)，主要攏是台語文，包括客話，hoklor話，原住民兮話。

我兮父母話著是hoklor話，我毋是(m-si)講其他兮話毋是台語，我兮BLOG受著我家己兮語言限制，所以主要是用hoklor話(以前有儂講是閩南語)，這是無啥毋對兮代誌。雖然講台語是ui閩南語演變來兮，毋拘(m-gu)傳到台灣後，慢慢仔演變，受著無仝所在兮移民)兮影響，所以已經透濫，而且嘛(ma)受著原住民(主要是平埔族)發音gah字詞兮影響，iah閣有後來兮日本統治，位(ui)日文遐(hia)吸收真濟字詞，即點嘛gah以前兮閩南語無仝，雖然講福建佮(gap)台灣在彼當時(hit dong-si)攏是受著日本兮影響，毋拘台灣是直接受著日本兮統治，接受兮字詞是閣較直接，ma閣較全面，。這ma是佮福建無仝兮所在。而且受著國民黨殖民幾十年(gui-zap-ni)，所以咱兮台語佮閩南語佇咧字詞等ma是有所差別。

本底台語是真好兮語言，但是受著殖民統治百冬，害咱對著台語suah來看無。有真濟儂講，台語只要有儂講著好，ma有儂講台語無字，所以無需要ma無可能來寫台語文，我彼兮學生對我講，雖然老師你兮理想真好，但是我認為台語以後會(e)愈(lu)來lu少儂講，我講若是lu無儂講，即ma(zit-ma)若無教囝仔講，無將現代白話台語文文字化，著會失去台語延續(ian-siok)兮契機。

首先，咱對所謂台語無漢字兮誤解觀點來講，以漢民族兮語言來講，佇現代進前，除了文言文有書面標準以外，其他各地兮語言兮白話文，哪有標準文字化兮？
即ma兮華語白話文字，ma是民國了後zia開始標準化兮，因為當時台灣毋是中國兮領土，所以無參與即場以華語白話文為中心兮標準化運動，漢民族當中唯一除了華語以外，家己開創新兮文字系統，著只有廣東話爾爾（nia-nia），因為香港無受著中國兮統治，英國儂ma無阻擋in用廣東話，而且講廣東話兮儂當中有真濟文人真愛看粵劇，甚至替in寫劇本，所以開創in兮書寫系統。即ma，香港電影(無應該叫做國片，應該叫做港片)基本上攏用廣東話發音，而且ma會當用廣東話寫。台語在日本儂兮統治下，日本儂無希望咱講台語，ma阻擋任何台語文文字化兮努力，以前有蔡培火希望會當公開教白話字(著是用羅馬字寫台語，ma會當算是文字化兮一種努力)。日本儂講會妨害in日語兮推動，所以毋准。而且台灣兮漢學兮傳統真強，而且以台語兮戲劇來講，歌仔戲是受著知識份子兮看袂起，著閣較mai講啥物寫劇本囉，清朝著真流行兮歌仔冊兮選字ma毋是真頂真，漢字ma真歹學，而且，知識份子直接著會當用日文寫作，所以ma互台語白話文字化兮需求減少真濟。台灣儂是真現實兮民族，無合意(gah-i)深思，只要是會當馬上teh著手來用著好，所以有日語zia-ni方便接收新知兮工具，對台語文兮推動著袂傷過積極，ma是因為無彼個資本通gah日本儂對抗，台灣兮知識份子真濟是地主等出身，而且咱台灣ui清朝開始，漢人兮開發是各自進行，所以山頭主義ma真強，想bheh愛in有統一兮想法來互台語文字化，ma是真困難，而且是互日本zia-ni專制兮政府統治，哪有可能推動咱台語兮文字化。

佇戰後，咱猶閣受著國民黨兮統治，一開始，in兮主要敵人是日文，所以無真嚴格限制咱講台語，一直到國民黨逃到台灣了後，而且是佇咧in兮國際地位開始保袂稠（diau）兮時陣，開始嚴格推行in兮國語文運動，無准咱講咱兮父母話，所以咱少年一輩suah有真濟儂無法度講流利兮台語，一句話ma講袂好勢。Gah咱兮父母iah閣有阿公阿媽彼輩ma有代溝，這是我所感覺著兮台灣儂兮悲哀。

即ma，閣較害，我觀察著兮現象，是連阿公阿媽，嘛無想bheh gah孫講台語，若無著是孫講華語，阿媽講台語，爸媽著閣kah毋免講，全部講華語，講啥物這是為著囝仔好，因為唯一兮標準文字是華語，所以規氣mai教in講台語，橫直（huai-dit）阮ma講袂好，囝仔ma袂曉，囝仔袂曉著愛教伊講zia對，哪會顛倒互伊教？這是真奇怪，所以有真濟囝仔想講講台語兮儂是無讀冊兮儂zia deh講兮話，因為逐家攏無deh講，ma無合意講，而且除了鄉土語言以外，學校ma無教，鄉土語言即個名實在是蹧躂儂，敢講我住di台北著袂當講台語？而且鄉土語言ma毋是專門兮老師，毋是正式兮編制，隨時攏有可能互儂廢除，只要逐家認為這無重要，著隨時通好廢除。這代表咱台灣ma是仝款是di殖民統治，di咧中華民國兮統治之下，所以除了所謂兮國語以外，攏是鄉土語言，攏總有一工愛消失，所以當有儂講bheh語言平等法兮時，著有真濟儂反對，因為in是華語霸權兮受益者，in無想bheh互講其他語言兮儂in兮平等人權—語言權，講這無可能，毋是講愛廢除華語做一個通行語，只是bheh互其他語言一個發展兮空間，這種要求ma受著打壓。台灣儂若是無覺醒，著會閣一擺漢化，第一擺是清朝兮時，漢移民兮漢化，第二擺著是國民黨帶來兮華語漢化。

另外有儂講台語有儂講著好，這好參像是gah台語當做是受保護動物有一兩隻著好，這著是教育部對鄉土語言兮態度，會曉講幾句著好，對我來講，這這是華語至上兮對台語兮施捨(si-sia)，這是一種主人對奴隸兮施捨，即種施捨，我甘願mai。所以我講想bheh找轉來我做儂兮尊嚴，著是即個意思。儂攏是平等兮，毋管伊講啥物語言攏應該有平等兮權利，而且是咱家己兮父母話。有兮儂會講，若是按呢，客人咧，原住民咧，我ma bheh企(kia)di咧儂兮立場講：加油，咱同齊為咱家己兮父母話延續拍拼。

我即ma是想bheh講互有想bheh教你兮囝兒序細台語兮儂聽，咱ai在日常生活中著gah in 講台語，按呢zia會當互in自然學會曉講台語，著算講故事冊是用華語寫兮，ma會當盡量用台語翻譯互in聽，di咧in去學校了後，咱愛di咧食暗頓兮時，gap in 講台語，分享一工兮心得，這是上重要兮學習演講兮時間。di咧外口兮時，若是拄著(du-diorh)儂，攏會當先用台語gah咱問好，若是對方會曉講台語，著愛gap伊講台語，若是袂曉zia講華語。毋免驚囝仔袂曉講華語，因為dileh學校，主要攏是華語，而且卡通節目攏差不多是用華語發音，若是di咧現在情形無改變之下，咱若是無用按呢兮方法，台語zia會真正消失。

另外，應該愛組成一個團體，著是互囝仔之間有用台語交流兮機會，這ma是真重要兮社會化過程，互in知影除了厝內兮儂，ma有外口兮儂會曉講台語。

Cun兮我後擺zia寫。大家會當參考家庭母語資源中心兮建議

（台）Inosen兮BLOG用字規範(附:通用gah教羅兮對照)

2005.08.06

1.基本上我是用 台音輸入法

(會當DOWNLOAD)來拍字兮這會當選漢字，ma會當用漢羅並用兮方式，我個人無想卜（bheh）評論教會羅馬字好iah是通用好兮論爭，我是因為無法度寫gah看有用全羅寫兮文章，所以ma無法度用in兮白話字輸入法，希望in教會羅馬字有一工會當開發出真好兮漢羅並用智慧輸入法(FOR WINDOWS ，我知影APPLE電腦已經有啊)。

2.基本上若是有正確兮漢字通(tang)用，我會用正確兮漢字詞，若是無著會用羅馬字來扑，基本上，用讀冊音讀兮字詞卡(較ka)濟是有漢字通對應。漢字寫法我基本上是參考許極墩，《台語漢字讀音詞典》（台北：開拓出版有限公司，2004）（通用拼音系統）iah閣有台文/華文線頂辭典（教會羅馬字系統）（http://203.64.42.21/iug/Ungian/soannteng/chil/Taihoa.asp）以及我家己認為卡好會漢字。

3.卡歹讀兮字詞，我基本上會標通用拼音，m-gu我即ma(zit-ma)無siann會曉標音調，所以現在先mai標音調，若是有儂(lang)看無，請gah我講。

附:通用gah教會羅馬字拼音方式兮對照

教羅→ 通用（相近注音符號）
k →g（ㄍ）
kh →k（ㄎ）
p →b（ㄅ）
ph →p（ㄆ）
g →gh（著是”我ghua”兮gh）
b →bh(著是肉bhah兮bh)
t →d（ㄉ）
th →t（ㄊ）
ch →z（ㄗ）
chh →c（ㄘ）
chi →zi（ㄐ）
chhi →ci（ㄑ）
j → ri（ㄖ）
eng → ing
oat → uat
ek → ik
o → or
ou → o

（其中，OU原本是標作O閣拍一個.，N著是鼻音）
音調兮標法ma是無仝款，而且通用是一律標自然口語聲調，dioh是講標變調了後兮讀法。

（華）台語文字標準化及中小學的台語教學問題

2003.3.12

作者按：這篇文章與我上一篇語言討論文章有若干重複，原刊登於PTT的版上。

各位：

本人在網路上與人辯論台語及台語教學的問題。
有興趣的人可以上網去看討論，開版人用的主題竟然是我痛恨台語（inosen案：這是多可怕的用語，竟然用痛恨）：

我的回應全文如下

魚兒及ㄚ郁及阿鼎：

台語這個語言，在過去我們上一輩的成長過程中，並不成為被教授的語言，其文字也沒有被規格化標準化，而文字表達系統的標準化是與近代民族國家的工程有相當的關係，以歐洲為例，在中古世紀，唯一被教授的語言是拉丁文，然而這個語言是與歐洲大部分人的母語是不同的，而在民族國家開始形成時，伴隨古騰堡的活版印刷術普及，開始形成各國的印刷文字，原本一個地方的語言有許多種方言群，為了成本考量及掌握權力者所用語言的關係，逐漸形成標準的印刷文字，如法文就以巴黎一帶（法蘭西之島）為中心逐漸形成一種印刷文字。（參看B. Anderson, imagined community,London: Verso,1991.此書有中譯：時報出版《想像的共同體》）

人類一直就是先有語言才有文字，所有的文字都是為了符合語言的特色而創造出來的，再岔一下題回應一下小鼎的看法，如果真要解決學生的負擔才應該廢除我現在正在寫的漢字，中華人民共和國在他們建國後其實也一直很想廢除漢字，但礙於實際情況而慢慢改。個人認為漢字這個東西才是相當難學的東西，還記得我小時候如何辛苦的學習漢字，原因在於漢字無法從外表瞭解發音，需一個字一個字學，反觀小鼎超愛的語言/文字--英文，就是用拼音系統表達的，其實就我個人學習外文的經驗，英文其實是一種相當進化不完全的文字，一個字可能有多種發音可能，但我學德文時一看就能念，因為德文的文字也可以當作音標閱讀，一個字對應一個音，相當好學。

而台語的文字系統（在此指的是HOLO語，荷蘭人在17世紀中葉已經教導臺南原住民羅馬字拼寫他們的語言，並用於跟漢人契字時並列的文字至19世紀初，謂之新港文書），最早自從1885年，臺南基督長老教會引進臺灣第一台印刷機，並且由甘為霖牧師創造這個文字後，經歷100多年後，仍歷久不衰，正可證明其經得起考驗，本人學習羅馬字的經驗也是覺得很好學，把握幾個重點就能很準確的發音，一個人會一個語言不會書寫，對這個語言而言，這個人就是文盲，只要秉持這個理念來學台語羅馬字，就能夠學好。至於台語的拼寫系統混淆，則是需要由大家及專家學者來討論出統一標準系統（並且電腦化，將台語列入萬國碼中）。至於方言差，則是細部問題，臺灣經過數百年的混同，其實漳泉音差異不大，近似廈門音，但語彙則更加豐富。台語羅馬字照鄭良偉老師的說法只要40小時就能掌握！

此外，學習台語文字，不能只當作學唱遊，而應能試著用台語來思考，一個母語語言及文字學好，其實對於學習其他外文是一個很好的幫助，加拿大至少人人會操兩種語言，比利時人則會德文，英文，法文，我一個比利時朋友就會中文英文法文德文，並正在學日文，人的語言能力是無限的，而他之所以會多種語言，在於他的母語學得好。
此外，台語其實是一種相當適合表達思考的文字。如英文的can/may /could一詞，日文則只能夠DE KI RU，中文只有能或會，可以這三種。

但是台語中，分成四個詞（在鄭老師跟助教前班門弄斧囉，見笑了）：
（1）e7-hiau2會曉 / 否定形boe7-hiau2
意指：在經過學習能夠學會時使用。
例如：
goa2 e7-hiau2 siu5-chui2
我會曉泅水。

（2）. e7/否定形boe7
指擁有先天或固有能力的能夠。
Chiau2-a2 e7 pe7, hi5-a2 boe7 pe7.
鳥仔會飛，魚仔沒飛。

（3）. e7-eng7--eh4
e7-sai2（會使）/否定形boe7-sai2
上述兩者用法相同，有著得到許可時才能怎樣的意思。
如：
goa2 e7-eng7--eh4 lip8-lai5 bo5?
我會用□入來無？
英譯：May I come in?

（4）e1-tang3會當/否定形boe7- tang3
在肉體上或道德上可以，又沒有妨礙的情況下所使用。
Eng-am goa2 e1-tang3 khah 4 cha2 khi3 khun3.
□暗 我會當 較早 去 睏。

個人認為台語是能夠一個把動作區分相當清楚的語言，甚至可以說是相當符合邏輯的語言，一個高度分化的語言反倒是適合思考的語言。

台語及其他母語其實是一種資源，不是一種負擔。既然台語這麼好，為什麼不能及早成為一種標準化被正式教授的語言呢？主要是政治力的介入干涉，臺灣長期來受外來政權統治，在日本時代1930年代，蔡培火曾試驗用羅馬字教導文盲，結果成效良好，向總督府請願，要求允許大規模傳授，並在學校教授，結果總督府學務局長反對，認為學習台語，妨礙國語（日語）教學（這跟前年臺灣的教育部長發言如出一轍，令人感到諷刺）。戰後，國民黨獨尊華語，打壓臺灣其他語言，使得臺灣人在島內反而逐漸對自己的母語喪失信心，一開始是指把台語龜縮在家裡使用，再則是完全否定台語作為一種可以用來完整思考的語言，語言從來就沒有高下之分，人類學習語言的能力也沒有所謂的限制。在台灣島外，反倒是可以聽到純正台語，這些人多是醫生，教授等等台僑，他們的小孩也沒有因為會講台語而妨礙英語其他外語的學習，如LA BOYS，就是會講台語，英文還不是一樣嚇嚇叫的人。

個人認為母語學得好，反倒能夠學好其他語言，以個人為例，我七歲以前還不是不會講華語（所謂國語），後來還不是學得好好，個人的英文也沒因此稍差，個人更運用台語的經驗來學習日語（通過一級檢定），認為學習母語又學其他語言會加深負擔是一種迷思。

學習母語，並使之文字標準化，是一項重要的「我手寫我口」的工程，中國在1920年代的白話文運動中已經完成，日本也在19世紀末完成，歐洲更早，並且透過母語並大量吸收外來文化作為新詞，如中國就曾大量透過日本轉手許多西方詞彙，如sociology 譯成社會學，psychology譯成心理學，甚至連「國語」一詞都是日本人所發明的漢字語彙（參見：山室信一，《思想課題としてのアジア》（作為思想課題的亞細亞），東京：岩波書店，2001，頁468-480詳列了中國抄自日人發明的漢字語彙，包括政治學，社會學，哲學等等現代西方科學用語，請自行參照）。這些都是為了讓人類能夠運用最快的方式思考，透過對母語的充分掌握，並且不遏制它，讓一個人的語言使用擁有完整的權利，這才是現代社會應有的樣態。這也才是
實現社會公平的一種方法，因為如果台語成為文字標準化，並能運用它來思考，社會上許多低學歷，甚至老一輩的不識華語（有一個阿媽她五十歲才開始學羅馬字，結果學會後她留下許多創作）的人，可以表達他們的想法，並讓他們的社會經驗及歷史經驗能夠永久傳給後人，這是無價的智慧之寶。