（台）來文建會兮一寡感想

2005.12.26
真久無寫一寡文章囉，因為我進前有二個外月攏deh受訓練，zit-ma比較較(kah)有時間通寫文章，我即嘛(zit-ma)是分發到台北兮文建會，佇遮(zia)真輕鬆，雖然講遮兮儂兮意識形態gah我攏無仝，毋拘(m-gu )in儂攏算(勿會)-(黑禾)bhue bhai，逐工除了看冊，著是做一寡影印ham拍字兮工課(差不多一工做無一點鐘)，所以有真濟時間通互我進修，我以後兮論文應該ma有時間通好準備。

我佇遮觀察著兮語言現象嘛是真趣味，一個應該是外省人兮工友，三不五時會講一寡台語，然後著是一個科長是金門儂，所以嘛會講海口腔兮hok-lor鶴佬話，真心適，亦閣有一個應該是客儂，嘛是時常講台語，除了按呢以外，著cun一個應該是有年紀兮儂定定會講台語。較少年兮員工攏真少聽著in塊講台語。

今仔日有儂來設定電腦兮系統，我問講敢會當用日文兮輸入法，伊講若毋是公務用，著ai轉去厝裡用，後來sen-bai講你ai gah in較熟，in zia會互你download一寡物件，這著是漢民族兮慣習，法律講是一套，m-gu若是有關係，總是會當講情兮。

前幾日仔是去華山園區鬥相工，後來di拜六cua我兮女朋友去參觀，hit爿兮風沙真大，所謂兮生活工藝大展實在是做gah真普通，社區工藝diorh較好sng，果然文化是ai位民眾兮生活當中生長出來zia會較有活力，若是位政府來做，著無法度展現出生命力。